Ta Prohm, a magical place, where part of tomb raider was filmed

Angkor nou nau Che Indravarman 1 Bunong păng jêng hađách ta ntúk Angkor Bunong Cambudia aơ) bơh năm 877 ma tót nám 890. Indravarman 1 oh nô ma Che Varman=Jayavarman 3 kan ndrel. nau ndầk n,jêng bri dak păng geh nau đăp mpăn mô geh nau tơm lơh tơm Sreh ôh. păng jan mir Quòng tăch ndrăp ndơ Raveh rapu ma nau dóng páng. năm 879 păng jan ngih brah mhe nguai moh păng brah ndrôk ta yôk roluos jêng bôk bri toih. dăch kêng bon rôluos tơm ban ma nh,hơ an ma Bunong Cambudia păng geh Che indravarman rup ta trôm Angkor wat aơ.
Che indrvarman 1 Bunong nơm leo bôk ma Bunong Cambudia ta ntùk Angkor (Bunong Cambudia) ntơm bơh năm 877 ma tòt năm 890 păng geh păng hôm ndrei nau wai kon Bunong .
Indravarman 2 jêng nơm leo bôk ma Bunong Cambudia jêng nanề ngăn sòch nơm ntrok păng tòm rnôk mông nai hôm păng mòt uănh biă lah păng khầt ta năm 1243. Jêh nai jêng geh phung nơm sòk dơn mòt uănh bri dak Bunong aơ jêh nai ri jêng geh drôn bă phung Bunong nơm bă jan nơm leo bôk nai yor lah Che indravarman aơ păng lôch ta năm 1234 aơ yor lah păng khầ ta năm nai.
Che indravarman ntòl 3 hao jan nơm leo bôk ma Bunong Cambudia ta năm 1295 ma tót nám 1308. Păng geh nơm êng êng đòng jêng nơm leo bôk rnôk nai ri mô gầt n,hêl ôh.
Che indravarman păng hađăch ma Bunong Cambudia. Păng jêng trong sưng hađăch jêh păng nai păng ăn oh nô băl mpôl ndùl deh păng jêng lah Che Varman Jayavarman ntòl 3. ri Che Varman 3 khầt ta năm 877 ma 890. Kon păng Prith indravarman tòm ban ma i va Che Che Varman ntòl 3
Prith indravarman păng mòt uănh Sưng hađăch tòm Champapura ntrok mbờ păng tơm ban ma Che indravarman 1 aơ. ur Prith indravarman aơ moh păng indradive păng jêng U indravarman ntòl 1. Păng jêng kon sau rnăk sa hađăch tă bơh Vyadhapura, Sambhapura ndrel ma Aninditapura. Indravarman 1 sòk moh săk Devaraja. păng moh isvaraloka. nh,hơ ma nơm leo trong jêng tòm ban ma Che indravarman ntòl 2.
Păng geh lah kon sau tă bơh hađăch Champa sòk moh săk Che indravarman 1 Bunong. indravarman păng bư geh bă ma nau saơ ndrai tòm rnôk mông păng mòt uănh. Păng jan bar ờ ngih brah moh brah ndrôk ndrel ma lôch dùt Bakang. Jan brah ndrôk păng lè jêh ueh hơi ta năm 879. Ta Bakang aó páng ndók jêh ta nám 881. Jêh nai ngih brah ntòl pe aơ moh Loley ntùk nau khlai ntơm nơh biă lah dja ri mô hò jêh bơh saơm jêh nai indravarman păng khầt.
Bơh kơi nai păng geh nau rlu jò tòm mông Yasovarman aơ, păng jêng kon indravarman ntrok mbờ păng ntòl 1 rup brah ndrôk ndrel ma jan Bakong Hariharalaya tòm ban bôk bri ta Cambudai aơ ma nau mbòng ùch. Tơm ban păng geh n,hong dak nglao Quòng ri moh păng indratataka păng geh nau jan dăch tòm nkùl kêng Angkor aơ. păng geh koch n,hor dak hoch tă bơh nglao indratatak dòng ta ntùk nai.
Ta ntùk brah ndrôk nai păng geh ăp ntil rup Siêm nau wai phung ôp brah òk ngăn tòm trôm ngih brah nai. ma nau nh,hơ an ta ntùk Bakong aơ 900 mô lah 700 met (2952,76 tóm ban ma 2296,6 tòm jùm nai. ta aơ ri păng geh hăn tòm pe inhägnader tòm ban ma gùm băl. bar ntùk gù gak tòm bah băl đah khân păng.
bar ntùk gù gak tơm bah đah khân păng bơh năp ntùk ndòp ri 160 mô lah 120 met (524,9 ma 393,7 met). Aơ ri jêng ngih brah tòm nklang n,gul ndrei tòm pe jrùng. pham ntùk dăp lù ntùk gù gak. bar bar ma ăp njônh ntùk) tóm vah vang pe jrùng ndrel ma ta trôm ntùk nai. nh,hơ dơi oi ma nau jan tòm trôm ntùk nai. aơ ri geh nguai păng jan prơh ralao bu nanề ngăn jêh nai ma nau mìn ùch Che indrarman ntòl 1. ma nau jan păng hôm e ta Angkor wat aơ tòm ntòl jầt 12 krissakorách lú rup Rveh òk ngăn ndòk ta ntùk nai ndrei tòm pe des des dja ri păng geh rup yau tơm ban đòng ta gung nai.
indravarman 1 păng khầt ta năm 890 krissakorăch. Kon păng moh Yasovarman ntrok păng jan hađăch ma Bunong Cambudia. aơ jêng nau nkoch nou nau U Che Bunong kăl e ăn ma bon land Bunong dầng lè ta yuan ta drôn ta Laos ta Thai aơ. aơ jêng bri dak Bunong ngăn. nơm nchih nou nau aơ Malueng Sruanh Bunong jêng tơm bri tòm nkùl neh aơ. ri dăn buai ma oh no dầng lè lah khân mai geh uănh nau aơ lơi dầng khân mai kơi nchih ôh. tòm nau gầp nchih aơ mbu nơm geh uănh nau aơ ăn păng geh nuyh n,huòm ròng ma bon land Bunong aơ. mbu nơm bư rlăng ma Bunong aơ nơm nai jêng mòk mol ! mô ueh ôh nau rêh páng. A jêng rup U Che indravarman ndrel ma ur kon păng. jêng nou nau bri dak Bunong huêng kon Bunong hôm e ntil nau khlai ndrei Quòng. ri geh òk bunuyh êng êng păng geh bư vì lơi nau rêh Bunong aơ biă lah păng mô dơi bư đòng ôh kon Bunong hôm e huêng toyh ngăn. bơh năp aơ kon Bunong păng mra dòk plơng! mbu nơm tùn jot păng bơh năp aơ!.
Angkor Thom păng deh ta nám 1270 ma nau rêh rchơk geh nơm mhe jan nau dôih bri ta klơ neh nai plơng Wenzhou ndrel ma dơi jan tơm ban ma du huê nơm rblang. yor lah ma nau kan du huê bunuyh đă ăn hađăch Cambudia ntòl 3 Che indravarman ma nau kan ăn ma Mongkol yuan. Che indravarman ntòl 3 păng geh nau tùp ndơm ma mpôl yuan aơ ndơm păng.
30 nám jêh khât Che Varman ntól 2: hađăch indravarman ntòl 3 păng jan ngih brah ndrôk ntòl 1 păng geh băl mpôl òk ngăn ta roluos nai yor lah păng sòk dơn Che Varman ntòl 2. păng đòng ndòk njêng jan Bakong aơ tòm ban ma nau jan Quòng tòm ntùk Angkor aơ.
Che Varman ntòl 6, 1080–1108. Dharan indravarman ntól 1 nám 1180-1112. Suryavarman ntól 2, 1112-1150. Dharan indravarman ntól 2, 1150-1181. Che Varman ntól 7,1180-1220. Che indravarman ntól 2, 1220-1243.Che Varman ntól 8, 1243-1295. Che Indravarman ntól 3, 1295-1308. Ajêng nou nau bri dak Bunong păng geh nau òk ngăn ma nau tơm lơh tơm Sreh yor ma bri bơh chau bơh ma nai păng hăn lăp gù ntùng tơm ban ma Cham yuan mpôl êng âng đòng.
kahan Bunong păng nsoh troy dadê rnôk nai păng geh phung Cham păng hăn ntùng ndơ ta Angkor aơ ta năm 1177 păng hao tă bơh Tonle sap aơ. kahan Bunong bơh aơ khân păng hăn dong Cham i gù ta Tonle sap nai. aơ jêng nou nau bri dak kon Bunong kăl e Bunong aơ khân păng geh nau jò mông ma nau tơm lơh ma phung yuan Cham aơ. năm 1371 Che Bong Nga kon sau Che indravarman Bunong păng dòk dong yuan i lăp gù nde krap ta bon Che mbờ Nam nai n,ho hao mbang jầt Hanoi ri. năm 1360 Che Bong Nga păng geh nau dơi plờ Quòn sưng hađăch Che păng ta Champa indravarman aơ tay. ma nau Cham aơ păng geh nau dơi yor ma tă bơh Che indravarman ntòl 2 aơ kon sau păng sòk ur Cham bunuyh nchuot du tă bơh bri êng Cham nai păng jêng Cham phung yuan jêh nai păng nkhầt lơi Che Varman ntòl 6 aơ, jêh nai păng hao gù sưng hađăch ntùk Che indravarman Bunong he aơ. păng lah păng jêng hađăch ntrok ma Che indravarman aơ. Cham aơ mô ueh ôh păng tă bơh păng nai yơh dầng geh ma ralòm hađăch Bunong aơ. păng mô geh bri ndrel ma Bunong ôh. yuan nai Rade Jarai Cham aơ ndrel ma phung êng êng nai khân păng jêng tă bơh Malasy ri yuan aơ păng tă bơh Kina. păng hăn pìt bri Bunong he ta nai. mpôl păng nai Cham, Rade, Jarai, Banar thai ri bă bă đòng òk ngăn phung păng hăn ndrel ma yuan păng hăn lơh Bunong jầt aơ da dê phung nai. păng lah bri aơ mô geh bunuyh gù ngai ma Bunong aơ 10 kilo 15 kilo met mô lah 20 kilo met ngai ma Bunong aơ. he gù ta aơ khân păng lah ta aơ jêng bri Rade, Cham, banar, Jarai yuan he khân păng lah. Biă lah nkuòl neh nai jêng bri Bunong nau wai Bunong păng gù ngai tơm băh băl tă bơh bon aơ ma tòt bon ri ngai 25 kilo met mô lah 35 kilo met mô lah 40, 60, 70 kilo met ngai tóm báh bál phơm bư păng lah bri nai jêng bri khân păng? Phung nai păng ùch jôi nau gai ma tùn jòt bri dak Bunong aơ hô ngăn. jêh nai phung păng Rade, Jarai, Cham, Bannar ndrel ma yuan aơ păng lah hên Bunong aơ mô geh bri . phưm bư păng lah hên Bunong aơ mô geh bri? bri aơ jêng bri Bunong ntơm bơh bùt neh brăn kon Bunong păng gù rêh ta nai. he saơ jêh tòm nau rêh kon Bunong abaơ n,gul jầt yuan n,gul jầt drôn n,gul jầt Thai ndrel ma jầt Laos aơ. phưm bư dầng geh ma kơt nai? ơ he kòp uănh rup rplai neh aơ bơh dòng aơ Ajêng bri Bunong bu moh păng Funan.Funan=Bunong. he uănh rplai neh jêh yuan păng tùn jot aơ rup neh

Bunong păng geh lah jầt Thailand jầt Laos Jầt yuan jầt drôn aơ. ma nau khân păng pìt sòk ntup bri dak Bunong nai. ma dơh ma nơnh ngăn dầng geh ma geh jầt yuan jầt drôn aơ. Ri rnôk hôm nơm leo bôk Bunong bơh saơm nơh. mô dơi geh yuan drôn khân păng mòt bôk Bunong ôh. U Che Bunong kăl e păng geh nau dăng ngăn ma nau tơm lơh tơm sreh. tơm ban ma he saơ jêh rup nau tơm lơh tơm Sreh ta trôm rngol Angkor wat nai jêng nau wai kon Bunong păng dòng ndơ n,gùt snoh nai troy dơm. nau hăn tơm lơh tơm Sreh nai păng dòng Raveh Seh ndeh ndrôk ri nau Bunong păng wai dòng. păng geh lah Chuh tôr hui hui bu ur mô lah bu klou nau wai dòng păng kơt nai da dê dơm.
Malueng Sruanh Bunong Cambudia

Nơm nkoch nđơn nau rêh jêng kon Bunong Malueng Sruanh. Ajêng rup hađăch tôr Jun ndrel ma rup Che indravarman hađăch Angkor khân păng aơ jêng Bunong ơm tơm bri ta aơ bơh bùt neh deh brăn. ơ oh nô kônh va sau se me mbờ ăn khân mai kah gầt ntil nau rêh Bunong lơi bư tầng nau phung êng nau ngơi ôh. yor lah păng mô geh nau chòm nình ma he ôh ăn kon Bunong ma lè dầng lè sòk nau U Che he kăl e nơh dadê nau nguai hò. 4 n,gor bri aơ an jêng nguai bơh năp aơ huêng U Che Bunong mra plờ sìt ta kon Bunong nơm n,hor Amen

chris

Ta Prohm, a magical place, where part of tomb raider was filmed

Like this:

About this entry

2 Comments

Leave a Reply Cancel reply

Recently

Monthly Archives

Follow “chris”

chris

Ta Prohm, a magical place, where part of tomb raider was filmed

Like this:

About this entry

2 Comments

Leave a Reply Cancel reply

Recently

Monthly Archives

Blogroll

Follow “chris”