Welcome to Ta Keo late 10th, early 11th century

Bunong=Funan (bơh saơm Angkor 1) Angkor ntòl 2 năm (1001-1309 Che Varman ntòl 7 1181-1219 AD. rnôk nai păng geh drôn jan hađăch jề groi Che Varman ntòl 7 aơ. Che Varman aơ păng ơm nơm leo bôk bơh saơm. jêh nai Yasovarman ntòl 2 păng mòt uănh ta ntùk kheth kon Che indravarman i moh Pa aơ. jêh moh Pa nai moh Champa yor lah moh Champa nai Pa aơ ur sai ma Cham. Pa mô lah Vishaya tòm ban ma păng geh nơm pah kan tă bơh Angkor aơ đòng nau dơi ta nai. rnôk Cham păng hăn ntùng sòk ndơ Angkor nai ta năm 1177 đă Che Varman ntòl 7 aơ hăn ndrel ma nau dơi plờ Quòn Angkor Roth Yasodharapura aơ păng hao Quòn sưng hađăch 1181. tơm lơh ma Roth Champa mô hò geh lôch păng bư n,ho geh 20 năm. tòm năm 1219 Che Varman ntòl 7 păng geh nau dơi ma nau tơm dong ma đah Roth Champa aơ. Che Varman 1 Bunong. Che Varman ntòl 1 hađăch Bunong Cambodia. A 12 mô lah 13th Sătavót ma nau ntlơi ri Bayon ngih brah ma Angkor nkoch ăn ma drôn. kahan Bunong hăn tơm dong ma đah Cham i hăn tùn jòt bri Bunong aơ năm ntól 12 ma năm ntól 13th aơ.
Tran Hoa Bo de hađăch Champa 1342- 1360. jêh Che Anan khầt năm 1342 jêh nai Tran Hoa Bo de aơ ntrok gù sưng hađăch păng. Che Anan păng di ma nau wai sòk dơn drăp ndơ, Che Mô. Che Mô aơ păng Bunong tơm bri ta nai, păng dầll jêh ma nau nai ri bơh kơi nai păng geh nơm kơl păng tă bơh bon Che bờ Annam aơ. Che Anan jêng hađăch ta Champa. păng ntơm bơh saơm tă bơh bon Che bờ Annam biă lah geh bă ri păng kahan Quòng ta Champa aơ ri ntơm bơh nai păng jêng hađăch. Jêh păng khầt nai kon păng ntrok păng ri i klei păng nai jêng bunuyh Cham Tran Hao bode moh păng. jêng n,gòng kan ma đah yuan i gù nde ntùng ta bon Che bờ Annam rnăksa nai. jêng lah păng di ma sòk ndơn drăp ndơ Che Mô aơ (1) aơ jêng nou nau bri dak Bunong U Che Bunong aơ moh păng bơh saơm Che indravarman ndrel ma Che Varman. ri ntơm geh nau nai păng geh ta sau Che indrvarman aơ sau Che indravarman aơ moh păng Mô pa.
Ri rnôk nai Che indravarman ndrel ma Che Varman aơ khân păng jêng hađăch mòt uănh bri dak nai, tòt nar bơh kơi nai păng geh phung Malaisy hăn lăp gù ntùng ta bri nai tòm ban ma phung yuan Cham aơ. păng gù ntùng bơh meng bri Bunong nai jêh nai păng geh nau tơm dong ma Bunong aơ Che Varman păng njuòl kahan Seh ndrel ma raveh dùt òk hăn mbang phung Cham nai. tòt nar bơh kơi phung Cham nai păng mô hôm geh nau dơi ôh. jêh nai păng dăn ma hađăch Che indravarman Bunong aơ ri Cham păng lah kơt aơ hên ùch jan bon land gù ndrel ma Bunong ta aơ n,ho ro ri hên jêng Bunong đòng păng lah. Ri phung Cham nai păng ralăm lah kơt nai ri Che indrvarman aơ păng ăn gù ta nai jêng bon land păng. biă lah Che Varman aơ păng mô ăn ôh Cham nai jêng bon land Bunong yor lah păng gầt phung nai păng ralăm dơm
lah jan bon land Bunong. nanề ta nai Cham nai păng nhùp ti ma yuan nguai dơm păng gai ma pìt sòk bri Bunong nai jan bri păng. păng saơ bri ta nai nơh Quòng băh ngai ma bon Bunong aơ ri phung Cham nai gai sòk bri nai jan bri păng ri Che indravarman Bunong aơ păng mô gầt ôh nou nau nai păng ntôn lah bunuyh ueh dơm ri păng ăn bu gù ta nai jan bon land păng tòt nar bơh kơi phung Cham nai păng geh ur sai ma đah sau Che indravarman aơ ntơm bơh nai yơh Cham aơ păng dơi ntùp bri nai lah bri păng. păng kòp gần ma nau ra gầl moh bri nai sòk moh Cham aơ ma đah moh sau Che indrvarman aơ Sau Che aơ moh păng Pa ntrùp ndrel ma Cham aơ ri lah moh Champa indravarman. aơ yơh nau Cham păng ndơm kon bon land Bunong he, jêh nai păng lah hađăch nai jêng hađăch Cham păng. păng kòp gần nkhầt lơi Bunong i nơm pah kan ta ntùk nai òk ngăn khầt Bunong rnôk nai Cham de nkhât ntùng. phung i ndrel Cham nai păng geh lah Rade, Jarai ndrel ma phung êng êng đòng păng geh lah nau nguai dơm ùch ma lơh rù Bunong jầt aơ dadê păng.
Ri rnôk nai lè rngôch Bunong tòm nkùol neh Bunong nai tòm ban ma moh lah Funan aơ khân păng mô ùch ôh ma phung nai ri rnôk nai păng geh kanòng ta bon Huè aơ păng geh nau rom phung nai an gù yor ma nau tơm rnglăp ma nau tơm sòk ur sai nai. jêh nai phung păng Cham, Rade, Jarai aơ păng geh nau tơm rdòng ma Bunong ma tòt abơa aơ. Rade Jarai Cham aơ păng ùch moh ntil Bunong ùch jan ùch bư ri păng buai mô an Bunong aơ geh nau dơi ôh. păng gai an păng dadê ro ri phung Rade, Jarai, Cham aơ păng ùch. ri òk ngăn khân păng nkhầt ntùng bon land Bunong.
Tòm ban ma năm 1950 BAJARAKA aơ ma năm 1964 păng geh Y- Bhăm nuol ndrel ma Le kosem aơ khân păng jan nau politikt năm nai ntơm bơh năm 1950, 1960, 1970 ma tòt năm 1982 aơ òk ngăn khầt Bunong hên. Phung Cham Le kosem ndrel ma Y- Bhăm nuol aơ khân păng nkhầt ntùng Bunong hên năm nai. ta năm 1964 aơ Y- Bhăm nuol ndrel ma Le kosem aơ păng bư ti du đah păng gai Quòn ti ma mi ma Bunong ri ti du đah păng ùch Quòn ti ma yuan.
Jêh nai păng rlăm bon land Bunong aơ an tờng păng. ri păng lah păng geh nau dơi mòt uănh bri dak ma lè dầng lè ta nkùl neh bri Bunong nai Rade nai păng lah păng ro jêng hađăch. Tòm rnôk nai păng gù ta bri Bunong tòm dăch ma Yôk Rdăp tu nùm aơ ta n,hong Jòng glu aơ. ntơm saơm nai păng bư ueh ngăn ma Bunong păng lah păng jêng kon bon land Bunong đòng. Ri tòt nar bơh kơi păng bên jêh gù Jò jêh ta ntùk bri Bunong nai aơ.
Jêh nai Y Bhăm nuol ndrel ma Cham Le kosem aơ khân păng ntơm jôi nau êng jêh nai păng sòk nau dơi êng khân păng nơm ro. păng lah Bunong aơ mô khlai mô geh bri dak ôh. ri bri nai păng lah bri păng Ongka jao an ma khân păng jêh păng lah. Jêh nai Y Bhăm nuol ndrel ma Le kosem aơ khân păng sòch ăn mpôl Rade, Jarai, Cham khân păng nơm dadê kan jan kôranh mông nai. jêh nai lah geh Bunong hao jan Quòng đề ri phung Rade, Jarai, Cham aơ khân păng nkhầt ntùng ro Bunong. păng mô ăn Bunong jan kôranh ro lah hao Bunong jan kôranh păng nkhầt ntùng ro Rade, Jarai, Cham păng bư ma Bunong rnôk nai.
Phung nai nau păng ùch tòm rdòng ma Bunong hò jò jêh mô blao dùt ôh ma tòt năm 2001 2002 aơ phung Rade Jarai nai păng nchuat du tă bơh yuan ri gù njờh băt lăt ta kheth Mondolkir ntùk Bunong nai at păng ùch jă Bunong aơ an tờng păng đòng. biă lah Bunong bơh aơ bu gầt jêh phung păng nai mô geh tơm bri ta ntùk dak lak nai ôh ta nai at bri Bunong bơh aơ đòng. Bunong bơh aơ khân păng mô ùch ôh an bunuyh nchuat du tă bơh bri êng ri jan kôranh mòt bôk ta klơ neh Bunong aơ Bunong păng mô ùch ôh.
ma nau rplai nai Bunong aơ jêng tơm bri ta nai ntơm bơh bùt neh deh brăn bu hôm gầt nkùl neh Bunong aơ păng Quòng ngăn jêng abaơ aơ. păng geh bă n,gul jầt yuan geh bă n,gul jầt drôn n,gul jầt Thai ndrel ma jầt Laos aơ, jêng rplai neh bri Bunong. tòm nkùl neh aơ păng geh nau jêr jòk ngăn ma nau rêh jêng kon bon land Bunong ntơm bơh geh nau ma phung Cham aơ păng hăn lăp gù ntùng ta nkùl neh Bunong aơ ta năm ntòl 12 krissakorach ma năm 13th rnôk hađăch Che indravarman ndrel ma Che Varman khân păng geh nau tóm dong Quóng Bunong ma đah phung Cham nai. jêh Bunong dong păng nai ri geh bă phung Cham nai păng rùk mô hôm dơi bư Bunong nơh ri dăn gù jan bon land ta nai. ri abơ aơ Rade, Jarai aơ khân păng gai ùch jan kơt Cham nai đòng gai rlăm Bunong hên dadê. Biă lah Bunong bơh aơ bu gầt tòm nau neh ntu aơ jêng neh ntu Bunong ngăn yor lah yuan drôn khân păng pìt jêh khầt bunuyh i gầt blao nơh ri abơ aơ Bunong păng jêng jan dầk yuan drôn. biă lah rplai aơ rplai neh kon Bunong ntơm bơh Chou you bơh bùt neh deh beăn.
Ajêng moh rplai neh Bunong bu moh păng Funan aơ jêng moh Bunong aơ hơi mô hôm geh êng đòng ôh. ta ntùk bu nchih moh lah Champa aơ jêng moh bon Che indravarman Bunong

ta ntùk aơ yơh ntơm Cham yuan păng geh nau jot jầng yor lah rnôk nai ri Che indravarman aơ geh bă păng geh nau yồ an ma mpôl bu ur kon se Cham aơ. păng sòk mòt rong phung nai an gù ta ntùk nai jan bon land păng. bơh kơi nai Cham aơ păng jêng bon land gù ndrel ma Bunong ta ntùk bă oh rong kon òk hôm òk jêng bon land gù nòp jêh ta nai.jêh nai păng ntơm bư rlăng ma Bunong ro, ndri nou nau aơ. lơi lah ôh bri aơ bri bu bri aơ ri bri he Bunong ngăn.

Malueng Sruanh Bunong Cambudia nơm bănh sòk dơn nau khầt rêh ndrel ma bri dak bon land tòm nkuol neh Bunong aơ huiêng U Che Bunong mra plờ sìt ma kon Bunong nơm

john 7.28.09 / 9am

yea we totally didn’t see this one last time.

Malueng Sruanh 1.13.10 / 10am

Bunong 2.1.10 / 11am

aó jêng rangol U Che Bunong/Funan Kál e nóh

Bunong 2.9.10 / 11am

Aơ jêng ntùk rngol U Che hađăch Funan/Bunong kăl E nơh, ri ta trôm Chuanh aơ tòm ăp ntùk aơ păng geh nchih rup Bunong dadê, rup nai păng geh lah troy ndrel ma chôh tôr hui hui jêng rup Bunong nau wai păng dòng kơt nai nau n,gut nsoh păng. gầp dăn nkoch ma lè dầng lè an ma phung Sah ndròng ta kalơ neh aơ an khần păng dơi gầt năl ma ntùk rngol ơm U Che Bunong aơ ri geh bă bunuyh ta kalơ neh aơ khần păng mô năl ôh Bunong aơ ri rngol Angkor Wat aơ khần pâng lah ndơ drôn, biă lah Angkor wat aơ mô geh lah ndơ drôn ôh. ri Angkor wat aơ jêng ndơ U Che hađăch Funan/Bunong aơ yơh, rnôk nai bu moh păng hađăch Bunong aơ Nokor Phnom Funan. Funan aơ jêng lah moh ơm Bunong. hađăch Bunong aơ bu moh păng Che Varman ndrel ma Che indrăvarman aơ jêng hađăch Bunong. tòm rnôk mông nai Bunong aơ păng geh du huê bu moh păng Zhou Daguan păng jan kahan Chần ri păng saơ đòng ma nou nau Bunong/Funan aơ păng geh nau tòm lơh ma đah Yuan Cham aơ òk năm. kahan Bunong bơh aơ khần păng geh lah nsoh troy dadê ndrel ma ncho seh ncho rweh òk ngăn ma nau păng dòng. rnôk nai bu moh păng Bunong aơ Cambu. Cambu/Bunong Ri rplai neh Cambu abaơ aơ păng geh lah jầt Yuan Jầt Thai ndrel ma jầt Laos aơ, Rplai neh Bunong/Funan aơ păng geh lah ntơm bơh Quang Trì Jùr Jầt dầng tòt Huè, Da Nang, Quy Nhom, Nha trang, Kon tum, Plai ku, Dalat,Chau Doc, Sre gong, Can tho, Buon Mề Thuot, Cu chi, Bu Quoc, Vung tau, Mekong ta meng aơ jêng bri dak Bunong/Funan kăl e nơh ri nau gù rêh khần păng aơ ri păng geh lah tòm bah ngai ngai ngăn bon aơ ma đah bon ri du nar hăn mô lah du pơh hăn dầng geh ma tòt bon aơ ma đah bon ri. Ri rnôk U Che kăl e nai Bunong aơ păng geh du huê bunuyh dăng ma nau tòm lơh tòm sreh bu moh păng Zhou Daguan nau n,gut nsoh păng nai păng troy dơm ri păng nguòn rse brai Quòng ta tongko ri chuh tor djôt tak aơ jêng bunuyh dăng Bunong, păng jêng khan Nokor Phnom păng dòng kahan Rveh ndrel ma Seh òk ngăn ri he saơ jêh ma nau bu nchih rup ta trôm rngol Angkor wat aơ jêng rup U Che Bunong rnôk hađăch khần păng kăl e nơh

chris

Welcome to Ta Keo late 10th, early 11th century

Like this:

About this entry

4 Comments

Leave a Reply Cancel reply

Recently

Monthly Archives

Follow “chris”

chris

Welcome to Ta Keo late 10th, early 11th century

Like this:

About this entry

4 Comments

Leave a Reply Cancel reply

Recently

Monthly Archives

Blogroll

Follow “chris”